فرحة مكاحيلك

مراسيلك لها فز الخفوق معاندٍصدره
لجل يرسم علا وجه الزمن فرحة مكاحيلك
يدون في مدونته بانه راضي بقدره
ويفرح لا شعر منك بريحٍ من مخاميلك
يدق باب الغرام اللي من اسبابه فقد صبره
وعلا طاري الغرام يهب نسناس ابمفاليلك
نظم عذب القصايد فيك ومن دمعه ذرف حبره
يلم غيم الدموع اللي تجففها مناديلك
ومن فوق الغمام يجيك بوابل ساخيٍ مطره
وتزهر في ثرا قلبك ورود الشوق وتحكي لك
عن احوال الذي بك هام واحكم انت في امره
يشب النار في قلبه لجل يضوي سما ليلك
مناه يطيب الك وقتك وتسلم من اذى شره
على شانك يصلي بليل ويسهر لك ويدعي لك
#الذيب