موقد. حطب

اذهب الى الأسفل

موقد. حطب

مُساهمة من طرف احمد العقيل/الذيب في السبت يونيو 16, 2018 9:14 am

لبى الشتا والغيم و ساعة قدومه
يروي غروسٍ ترتجي طيب ماها

وريح النفل فاحت بعالي كمومه
عقب الظما هل الفرح في سماها

وموقد حطب يكلم نفسٍ كتومة
يصلي دلالٍ صفر ويسقي صفاها

فنجالها صافيه زاح العسومة
وصوت الرعد يبعد هموم وغثاها

وسرب القطا ياتيك مبعد الحومة
في طارف من عويرٍ تجمع كفاها

وشفت الزهر متمايلٍ في وسومه
يشكر اله الكون عالم خفاها

ودك جليس الخير وطايب علومه
يعطيك من علم الرجال وسواها

لي خوته تبعد محاكم ظلومة
نفسك ليا حكمتك يعظم بلاها

هذا ترى علمٍ ولا فيه سومة
من يتبع الدنيا يموت برجاها

فيها ردي الحيل يرمي سمومه
نظرة حسد ماهو بيقوى رحاها

وفيها رزين الطبع مابه ملومة
يمناه جادت من كريمٍ عطاها

كلن على دنياك عايشٍ يومه
خلك سما وحذراك تتبع وطاها

#الذيب
avatar
احمد العقيل/الذيب
Admin

المساهمات : 22
تاريخ التسجيل : 30/05/2018
الموقع : عام

معاينة صفحة البيانات الشخصي للعضو http://alaqeel.ahlamontada.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى