مفاريج. غمك

‏لا تشتكي للناس من ثقل همك
ماحك جلد الآدمي مثل ظفره

خل الصبر يفتح مفاريج غمك
ولا تقصدن انسان فاقدٍ بصره

لاترخصن في يوم من ولد عمك
اللي ليا زانت احوالك تسره

بعض البشرفي القول كنه يطمك
وآخر يجي لك في مجامله ضرّة

شخصٍ ترى تخطي ولاهو يذمك
هرج القفا ما يوم جاب المسرة

سم الافاعي ماهوب سمٍ يسمك
يسهل عند طعنة صحيبٍ تمره

له مبسم تحسب بانه يضمك
ولا غبت شعّل فيك ناره وشره
‎#الذيب