عيونك ما تفارقني

عيونك ماتفارقني عيونك
تراودني ولو كنت ف صلاتي

وتبدي ماخفالي من شجونك
تصحي في كياني ذكرياتي

تعانقني وترخي في جفونك
يذوب القلب مني ياحياتي

علا الاطلال لك قلبٍ يصونك
قضى ليله علا ذكرك يحاتي

خفوقي جا لك ايريح ظنونك
ولا يبغي سوا وصلك وياتي

علا الميعاد يا ولفي يجونك
عيونٍ ما تهنّت في مباتي

غريقٍ في هواك وفِي سجونك
ولا يبغي من سجونك فلاتي

تساهرني وتغني لي لحونك
وتسمع صرختي وزفرة اهاتي

انا الي ماشكيت الا طعونك
رسمتك بدر ضاوي بعتماتي

شقي الود ياخلي ف وجونك
يعاتبني فيومي وفِي مباتي

طلبت الوصل ياولفي ودونك
امانينا تجي رغم الشتاتي

#الذيب