علوم القرابة

‏من لا يبالي في علوم القرابة
‏يفلس من الفزعة وحمية القرايب

‏ومن لارهن للطيب كامل حسابه
‏عيت عن اعلاجه كثير الطبايب

‏واللي تحلا في وصوف الذيابة
‏هانت على عينيه كبر الصعايب

‏واللي بدع من نظم فكره طرآبة
‏هذا الذي لانسام صدره هبايب

‏خذها نصيحة ذيب دامي مصابه
‏قد جرب الدنيا وشاف العجايب

‏(من دق باب الناس مدقوق بابه)
‏(اما يدق بطيب والا بمصايب)

‏ومن لا يخاوي الذيب خاواالسلابة
‏وكلن تعرف اسمه بوقت النوايب

‏من لا يبالي في علوم القرابة
‏ماهوب خالي من كثير الشوايب

‏اللي ياقف لوحده ماله مهابة
‏لوكان له مخلاب ساطي العطايب

‏ترى الخوي للخوي درع وحرابه
‏ولا يغني عن عيال عمك صحايب

‏⁧‫#الذيب‬⁩