يعانق خافقي طيفك

يعانق خافقي طيفك مع انسام الهوى ملهوف
اماني الود تشرح لي نبض قلبك واداريها

يساهر خاطري ذكرك ليا صار البدر مكسوف
هبوب الشوق في صدري تشب النار وتذريها

تقيّد عالم اوراقي بسلسال الامل والخوف
تحداني لجل انسى وصوفٍ دوم اغنيها

تلامع في سما حلمي نجومٍ كم تشد الشوف
على هاك الغضي تنثر ورود الحب وتسقيها

خذيتك بلسم لجرحي سكنتي في مقر الجوف
غدت مني سقيمة الروح وعيت من يداويها

شبه طيفك حبيبي لو تزاورني كثير طيوف
اعرف احساسك الدافي وطيوفك لي احاكيها

محاني صدرك شراعي ليا داهم مسيري طوف
يلامسها برد شفي وارسى في مراسيها

تراني في الهوى لجلك تحديت العباد صفوف
كلامٍ قلته ومازال حال الناس يرويها

انا لجلك تواسدني وتحاوفني المنايا حوف
ولانيب تارك احبابٍ طوال العمر اغليها

#الذيب