وحيد ف غربتي

واعزتي امشي وحيد ف غربتي
من عقب ما اقفى ضعنهم راحلين

اسرح مع الهاجوس واسهر ليلتي
واصبّر الاحزان واقول تكفين

تسقي ضفاف الخد حرّة دمعتي
يامن على درب الموالف يودين

الناس في عيني تلامح ونتي
استر بمنديلي على دمعة البين

عيني جفاها النوم وعاشت وحدتي
جوا الضلوع العوج مدفونة اسنين

غربة بداخل روحي منها وحشتي
اسبابها من صارو عني بعيدين

لولي جنح طيرٍ يحصل رغبتي
ماكان اخلي فخاطري شوف غالين

ولوتدري وش يجرى علي من دنيتي
تلعن ابو غيابك وتآتيني الحين
#الذيب